پاکستان کے بڑے شہروں میں یکساں اوقات اذان و نماز کا فیصلہ کرلیا گیا

تفصیلات کے مطابق پاکستان کے جڑواں شہروں راولپنڈی اور اسلام آباد میں یکساں اوقات اذان اور نماز کا فیصلہ کیا گیا ہے، وفاقی وزیرمذہبی امور سردار یوسف کی زیرصدارت ہونے والے مشاورتی اجلاس میں تمام مکاتب فکر کے علما اور تاجر برادری نے نظام صلوٰۃ پر اتفاق کیا۔

فیصلہ کیا گیا کہ یکساں اذان اور نماز کا کلینڈر جلد جاری کیا جائے گا، اس موقع پر وزیر مذہبی امور نے کہا کہ یکساں اذان و جماعت کیلئے قانون سازی پر وزارت مذہبی امور کا کام جاری ہے۔

وزیر مذہبی امور سردار یوسف نے کہا کہ اسلام آباد میں نفاذ کے اثرات چاروں صوبوں تک جائیں گے، یکساں اذان و نماز سے اتحادامت اور مذہبی ہم آہنگی کو فروغ ملےگا۔

تاجروں کی جانب سے اذان کے بعد دکانیں رضا کارانہ طور پر بند کرنے پر رضامندی کا اظہار کیا گیا ہے جبکہ جمعہ کے اوقات سے یکساں نظام کا آغاز کرنے کی تجویز دی گئی